Vivir os libros coas Feiras do Libro de Galicia 2023

A Federación de Librarías de Galicia e a Xunta de Galicia presentaron esta semana as 14 citas dentro do calendario de Feiras do Libro de Galicia para este 2023.

Comeza o percorrido das Feiras do Libro de Galicia 2023, un proxecto que cada ano enche as rúas de diversos concellos de libros, eventos culturais e paixón lectora, e que este ano visitará 14 localidades en toda Galicia, comezando o vindeiro venres 21 de abril en Ferrol, e rematando o 26 de agosto en Monforte de Lemos.

Entre medias, Porriño, Lugo, Vilalba, Ourense, Redondela, Vigo, Ponteareas, Rianxo, A Coruña, Viveiro e Foz. En total, catorce citas coa lectura nas rúas, que prometen achegar a literatura a todos os transeúntes, e que pronto comezarán a desvelar os seus programas.

Un xeito moi noso de vivir os libros.

Calendario completo de Feiras do Libro de Galicia

• Ferrol | 21 – 23 de abril Praza da Constitución
• Santiago de Compostela | 29 de abril – 7 de maio Paseo Central da Alameda
• Porriño | 11 – 14 de maio Rúa Ramón González
• Lugo | 16 – 20 de maio Praza Maior (arriba)
• Vilalba | 2 – 4 de xuño Praza da Constitución
• Ourense | 7 – 10 de xuño Rúa do Paseo
• Redondela | 15 – 18 de xuño Alameda
• Vigo | 23 – 29 de xuño Peonil do Calvario 1
• Ponteareas | 13 – 16 de xullo Praza Bugallal
• Rianxo | 22 – 25 de xullo Praza Castelao
• A Coruña | 1 – 10 de agosto Xardíns de Méndez Núñez
• Viveiro | 12- 15 de agosto Xardíns de Noriega Varela
• Foz | 17 – 20 de agosto Praza de Conde Fontao
• Monforte de Lemos | 23 – 26 de agosto Rúa do Cardeal

As Feiras do Libro de Galicia están organizadas pola Federación de Librarías e conta co apoio da Xunta de Galicia.